Administrerande direktør/CEO

Vil du vere med å gjere internasjonal skipsfart meir klimavenleg? Me ser etter ein synleg og engasjert leiar som bidreg til at Maritime CleanTech forankrar og styrkar posisjonen som verdsleiande næringsklynge med store ambisjonar for grøn skipsfart.

Som administrerande direktør i Maritime CleanTech får du sjansen til å arbeide nasjonalt og internasjonalt med å akselerere energiskiftet i maritim sektor. Du blir ein viktig drivkraft for felles innovasjonsprosjekt blant våre medlemmer. Me ser etter deg som blir motivert av å kople teknologi, forsking og maritim industri – og som ønsker å drive ein av våre mest verdiskapande næringar i meir klimavenleg retning.

Vårt strategiske hovudmål er å legge til rette for pilotering, skalering og internasjonalisering av framtidsretta innovasjonar som blir utvikla i klynga. Vår nye administrerande direktør skal vere sentral støtte for våre medlemmer i kommersialiseringa av lågutsleppsløysingar for verdsmarknaden.

Som vår nye leiar er du ein utprega brubyggjar. Du er god til å samarbeide, og du spelar på lag med medlemmane og svært kompetente kollegaer i klyngeorganisasjonen. Du har solid samfunnsinnsikt og kjenner den maritime næringa godt. I rollen som administrerande direktør evner du å skape varige relasjonar og nettverk med tillit og integritet.

I Maritime CleanTech skal du vere talerøyr for medlemmane sine behov, krav og forventningar i media, i dialog med verkemiddelapparatet og det politiske miljøet i Noreg og EU. Du må trivast i rolla som utfordrar, inn mot næringa og opp mot dei politiske rammevilkåra. Samstundes skal du ivareta og balansere medlemmane sine ulike interesser på klokt og nennsamt vis.

Du har relevant høgare utdanning, internasjonal erfaring og leiarerfaring med ein tillitsbasert og delegerande leiarstil. Jobben som administrerande direktør i Maritime CleanTech krevjar stor arbeidskapasitet, at du taklar høgt tempo og trivst med varierte arbeidsoppgåver.

Spørsmål om stillinga rettast til Vísindi ved Roy Tore Lysen Jensen på tlf. 909 20 447 / roytore.jensen@visindi.no eller Hege Rødland på tlf. 916 17 560 / hege.rodland@visindi.no.
Søknad registrerer du via «stillinger» på visindi.no snarast. All kontakt blir behandla konfidensielt, om ønskeleg óg ovanfor vår kunde i innleiande fase.